කාන්තා ලෝක කුස­ලාන ක්‍රිකට් තර­ගා­ව­ලියේ 5 වැනි ස්ථාන­යට පත්වූ ශ්‍රී ලංකා පිලට අයි­සී­සී­යෙන් අමෙ­රි­කානු ඩොලර් ලක්ෂ 7ක (ශ්‍රී ලංකා රුපි­යල් කෝටි 21ක් පමණ) තෑග්ගක් හා කාණ්ඩ අදි­යරේ ජය­ග්‍ර­හ­ණ­යක් වෙනු­වෙන් අමෙ­රි­කානු ඩොලර් 34,314ක් (ශ්‍රී ලංකා රුපි­යල් කෝටි­යක් පමණ) ලබා­දී­මට නිය­මි­තය. මෙයට අම­ත­රව එක් තර­ග­ය­කට අමෙ­රි­කානු ඩොලර් 700ක තරග ගාස්තු­වක් බැගින් සෑම ක්‍රීඩි­කා­ව­ක­ටම තරග 7ක් වෙනු­වෙන් අමෙ­රි­කානු ඩොලර් 4900ක් (ශ්‍රී ලංකා රුපි­යල් ලක්ෂ 15ක් පමණ) ගෙවී­මට ශ්‍රී ලංකා ක්‍රිකට් ආය­ත­නය කට­යුතු යොදා ඇත.

ලෝක කුස­ලාන ක්‍රිකට් තර­ගා­ව­ලි­යේදී හිටපු ලෝක ශූර කණ්ඩා­ය­මක් වන නව­සී­ල­න්තය 6 වැනි ස්ථාන­යට පත් කර­මින් ශ්‍රී ලංකා පිල මෙවර ඉදි­රි­යට පැමිණි අතර, බංග්ලා­දේ­ශය හා පාකි­ස්තා­නය ශ්‍රී ලංකා­වට පහ­ළින් සිටියි. අව­සන් වරට 2022දී නව­සී­ල­න්තයේ පැවති කාන්තා ලෝක කුස­ලාන ක්‍රිකට් තර­ගා­ව­ලි­යට සුදු­සු­කම් ලබා ගැනී­මට පවා නොහැකි වූ ශ්‍රී ලංකා කාන්තා පිල මෙවර ඉදි­රි­යට පැමි­ණීම විශේ­ෂ­ත්ව­යකි. ශ්‍රී ලංකා ක්‍රිකට් ආය­ත­නය කාන්තා ක්‍රිකට් දියු­ණුව උදෙසා විශාල තරග ප්‍රමා­ණ­යක් සංවි­ධාන කොට ඇති අතර, විශාල මූල්‍ය ආයෝ­ජ­න­යක් සිදු කිරීමේ ප්‍රති­ඵ­ල­යක් ලෙස ක්‍රීඩි­කා­වන් ඉදි­රි­යට පැමිණ තිබේ.