ආසි­යානු කුස­ලා­නය සම්බ­න්ධ­යෙන් පව­තින නාට­කය වඩාත් සංකීර්ණ වෙමින් පව­තින අතර, කුස­ලා­නය ඩුබා­යිහි ආසි­යානු ක්‍රිකට් කවු­න්සිල මූල­ස්ථා­නයේ සිට අබු­ඩාබි වෙත ගෙන­ගොස් රහ­සි­ගත ස්ථාන­යක සඟවා ඇතැයි ඉන්දීය ක්‍රිකට් නිල­ධා­රි­යකු පැවසූ බව විදෙස් මාධ්‍ය වාර්තා කරයි.

ඒඑ­න්අයි පුවත් වාර්තා­ව­කට අනුව, ඉන්දි­යාව දිනා­ගත් ආසි­යානු කුස­ලා­නය තව­දු­ර­ටත් ආසි­යානු ක්‍රිකට් කවු­න්සිල මූල­ස්ථා­නයේ නැත. මෑත­කදී ඉන්දීය ක්‍රිකට් පාලක මණ්ඩ­ලයේ නිල­ධා­රි­යකු ආසි­යානු ක්‍රිකට් කවු­න්සිල මූල­ස්ථා­නය වෙත ගිය බවත්, එහිදී කුස­ලා­නය ඉවත් කර ඇති බව දැන­ගත් බවත් සඳ­හන් කොට තිබේ.

එය ආසි­යානු ක්‍රිකට් සභා­පති සහ පාකි­ස්තාන ක්‍රිකට් මණ්ඩ­ලයේ ප්‍රධා­නියා වන මොහ්සින් නක්වි මහතා භාරයේ අබු­ඩා­බිහි ඇති බව දැන­ගත් බව එම ඉන්දීය ක්‍රිකට් නිල­ධා­රියා පවසා ඇත. ආසි­යානු කුස­ලාන අව­සන් මහා තර­ග­යේදී පාකි­ස්තා­නය පරා­ජය කොට ඉන්දි­යාව ජය­ග්‍ර­හ­ණය කිරී­මෙන් පසු ඉන්දීය කණ්ඩා­යම පාකි­ස්තාන අභ්‍ය­න්තර කට­යුතු ඇමැති නක්වි­ගෙන් කුස­ලා­නය පිළි­ගැ­නීම ප්‍රති­ක්ෂේප කළේය.

ඉන්දි­යාව දිනා­ගත් ආසි­යානු ක්‍රිකට් කුස­ලා­නය ඉන්දි­යා­වට නොය­වන බවත් කුස­ලා­නය භාර ගැනී­මට එළැ­ඹෙන නොවැ­ම්බර් 10දා ඩුබායි වෙත පැමි­ණන ලෙස ආරා­ධනා කරන බවත් ආසි­යානු ක්‍රිකට් කවු­න්සි­ලයේ ප්‍රධා­නියා පසු­ගි­යදා පණි­වි­ඩ­යක් නිකුත් කළේය.