ඉන්දියාව ආසියානු කුසලානය ප්රතික්ෂේප කරයි
ආසියානු කුසලාන විස්සයි20 ක්රිකට් තරගාවලියේ අවසන් මහා තරගයේ ශූරතාව හිමිකරගත් ඉන්දීය කණ්ඩායම කුසලානය ලබා ගැනීම ප්රතික්ෂේප කරනු ලැබීය.
ඒ කුසලානය ලබා දීමට සූදානම් වූ පාකිස්තාන ස්වදේශ කටයුතු අමාත්ය මෙන්ම ආසියානු ක්රිකට් කවුන්සිලයේ සභාපති මොහ්සින් නක්වි අතින් කුසලානය ලබා ගැනීමට තිබූ අකමැත්ත හේතුවෙනි.
ආසියානු කුසලානය ලබා ගැනීම ප්රතික්ෂේප කළ ඉන්දීය කණ්ඩායම කුසලානය නොමැතිව සිය ජයග්රහණය සමරනු ලැබීය.
“පාකිස්තානයේ අමාත්යවරයෙකු වන සභාපතිවරයාගේ අතින් ආසියානු කුසලානය ලබා නොගැනීමට අපි තීරණය කර තිබෙනවා” යැයි ඉන්දියාවේ ක්රිකට් පාලක මණ්ඩලය පැවසීය.
කුසලානය ලබා දීමේ අවස්ථාවේදී “අද රාත්රියේ ඉන්දීය ක්රිකට් කණ්ඩායම ඔවුන්ගේ සම්මාන ලබා නොගන්නා බව ආසියානු ක්රිකට් කවුන්සිලය මට දන්වා තිබෙනවා,” යැයි නිවේදකයා එහිදී පැවසීය.
ඊයේ පැවැති අවසන් තරගයේදී පාකිස්තාන කණ්ඩායමෙන් හිමිවූ ලකුණු 147 ඉලක්කයට පිළිතුරු ලෙස ඉන්දීය කණ්ඩායම කඩුලු 5ක් දැවී ලකුණු 150ක් ලබා ගනිමින් තරගයේ ජයග්රහණය හිමිකර ගනු ලැබීය.
