අමෙරිකාවේ ක්රිකට් තහනම්
ජාත්යන්තර ක්රිකට් කවුන්සිලය විසින් වහාම ක්රියාත්මක වන පරිදි අමෙරිකා එක්සත් ජනපද ක්රිකට් සාමාජිකත්වය අත්හිටුවා තිබේ. පෙරේදා පැවති අයිසීසී රැස්වීමකදී මේ තීරණය ගෙන ඇත.
අයිසීසී සාමාජිකයකු ලෙස තම වගකීම් නැවත නැවතත් උල්ලංඝනය කිරීම සම්බන්ධයෙන් මේ පියවර ගෙන තිබේ. අයිසීසීයට කාලයක් තිස්සේ අමෙරිකා ක්රිකට් ආයතනය පිළිබඳව පැමිණිලි රාශියක් ලැබෙමින් පැවති හෙයින් ඔවුන්ට අවවාද කිරීම් කිහිපයක්ම මෙයට පෙර සිදු කළේය.
මේ ක්රියාව 2028 ලොස් ඇන්ජලීස් ඔලිම්පික් උලෙළේ ක්රිකට් තරගවලට බලපෑමක් නොවන අතර, අමෙරිකා ක්රිකට් කණ්ඩායම ඉදිරි ඔලිම්පික් ක්රීඩා උලෙළට සහභාගි වන කණ්ඩායම් හයෙන් එකක් වනු ඇතැයි අපේක්ෂා කෙරේ.
