ජාතික තරුණ ‍සේවා සභාව, ශ්‍රී ලංකා යෞවන සමාජ සම්මේ­ල­නය, තරුණ කට­යුතු අමා­ත්‍යාං­ශය එක්ව සංවි­ධාන කරන 35 වැනි ජාතික යෞවන ක්‍රීඩා උලෙ­ළට නව ක්‍රීඩා ඉසව් 3ක් එක් කිරී­මට කට­යුතු යොදා ඇත. මේ වසරේ සිට පිහි­නුම්, චෙස් හා බැඩ්මි­න්ටන් යන ඉසව් ඉති­හා­සයේ පළමු වරට ජාතික යෞවන ක්‍රීඩා උලෙ­ළට එක්වනු ඇත.

එයින් පිහි­නුම් හා බැඩ්මි­න්ටන් රට­වල් 204ක් සහ­භා­ගි­වන ඔලි­ම්පික් උලෙළ දක්වා ක්‍රියා­ත්මක වන අතර, රට­වල් 192ක් සහ­භා­ගි­වන චෙස් ඔලි­ම්පි­යාඩ් තර­ගා­ව­ලිය දක්වා ක්‍රියා­ත්මක චෙස් ක්‍රීඩාව ජාත්‍ය­න්තර තලයේ බහු­ලව ක්‍රියා­ත්මක වේ. එබැ­වින් ප්‍රාදේ­ශීය මට්ටමේ සිට ක්‍රියා­ත්මක වන ජාතික යෞවන ක්‍රීඩා උලෙ­ළට මේ ක්‍රීඩා තුන ඇතු­ළත් කිරීම පිළි­බඳ ක්‍රීඩක ක්‍රීඩි­කා­වන්ගේ විශාල ප්‍රසා­ද­යක් හිමිව තිබේ.

මෙතෙක් ජාතික යෞවන ක්‍රීඩා උලෙ­ළට මලල ක්‍රීඩා ඉසව් සමඟ මැර­තන් ඇතුළු කණ්ඩා­යම් ක්‍රීඩා 10ක් ක්‍රියා­ත්මක වූ අතර, නව තරග රටාව අනුව එය වඩාත් පුළුල් මට්ට­ම­කට විසිරී ඇත.

ඉති­හා­සය පුරා එම තරග පැවැ­ත්වූවේ වයස අවු­රුදු 20න් ඉහළ හා වයස අවු­රුදු 20න් පහළ වයස් සීමා­වන් අතරේ වුවද, මෙවර එය වයස අවු­රුදු 15ත් 29ත් අතර සීමා­ව­ලට අදා­ළව නව ක්‍රම­වේ­ද­යක් ඔස්සේ සංවි­ධාන කිරී­මට සාකච්ඡා ආර­ම්භවී ඇත. වැඩි සහ­භා­ගි­ත්ව­යක් සහි­තව තරුණ ප්‍රජව තුළ ආක­ර්ෂ­ණීය ක්‍රීඩා උලෙ­ළක් පැවැ­ත්වීම එයින් අර­මුණු කොට තිබේ.