එළැ‍ඹෙන පෙබ­ර­වාරි 7 වැනිදා ආරම්භ වන විස්සයි20 ලෝක කුස­ලාන ක්‍රිකට් තර­ගා­ව­ලියේ තරග පැවැ­ත්වෙන කොළඹ එස්එස්සී ක්‍රීඩාං­ග­ණයේ නවී­ක­රණ කට­යුතු හා නව විදුලි ආලෝක ධාරා පද්ධ­තිය වෙනු­වෙන් රුපි­යල් කෝටි 175කට අධික මුද­ලක් වැය කිරී­මට ශ්‍රී ලංකා ක්‍රිකට් ආය­ත­නය කට­යුතු යොදා ඇත.

ලෝක කුස­ලාන ක්‍රිකට් තර­ගා­ව­ලියේ සමා­ර­ම්භක තර­ගය පෙබ­ර­වාරි 7 වැනිදා පාකි­ස්තා­නය සහ නෙද­ර්ල­න්තය අතර එස්එස්සී ක්‍රීඩාං­ග­ණයේ පැවැ­ත්වෙන අතර, තවත් තරග පහක් එස්එස්සී පිටි­යට ලැබී ඇත.

එස්එස්සී ක්‍රීඩාං­ග­ණයේ සිදු­වන නව­තම සංව­ර්ධන කට­යුතු පිළි­බ­ඳව මාධ්‍ය­වේ­දීන් දැනු­ම්වත් කිරීම සඳහා ශ්‍රී ලංකා ක්‍රිකට් ආය­ත­නය විසින් පසු­ගි­යදා නිරී­ක්ෂණ චාරි­කා­වක් සංවි­ධාන කළ අතර, එහිදී ශ්‍රී ලංකා ක්‍රිකට් භාණ්ඩා­ගා­රික සුජීව ගොඩ­ලි­යැද්ද මහතා සඳ­හන් කළේ සියලු ඉදි­කි­රීම් මේ මස 20 වැනි දින වන විට අව­සන් කිරී­මට කට­යුතු යොදා ඇති බවය.