ශ්‍රී ලංකා ස්කොෂ් සම්මේ­ල­නය සංවි­ධාන කළ 36 වැනි ජාතික කනිෂ්ඨ ස්කොෂ් තර­ගා­ව­ලියේ බාලක ශූර­තාව දිනා ගැනී­මට කොළඹ රාජ­කීය විදු­හලේ මතීෂ විජේ­සේ­කර සමත් වූ අතර, බාලිකා ශූර­තාව කාන්තා විදු­හලේ නෙත්මි වික්‍ර­ම­සිංහ හිමි­කර ගත්තාය.

රත්ම­ලාන ගුවන් හමුදා ස්කොෂ් සංකී­ර්ණයේ පැවති අවු­රුදු 19න් පහළ බාලක අව­සන් තර­ග­යේදී මතීෂ හමුවේ රාජ­කීය විදු­හ­ලේම තරුල් පින්වත්ත 11/4, 11/7ක් සහ 11/7ක් ලෙස පරා­ජ­යට පත්විය. බාලිකා අව­සන් තර­ග­යේදී නෙත්මි හමුවේ ලින්ඩ්සේ බාලි­කාවේ රන්ලියා වුඩ් පරා­ජය වූවාය. තර­ගා­ව­ලියේ නැගීඑන ක්‍රීඩ­කයා ලෙස සම්මාන දිනා ගැනී­මට රාජ­කීය විද්‍යා­ලයේ කේමිත හපු­ආ­රච්චි සමත් වූ අතර, ඔහු අවු­රුදු 17න් පහළ අනු­ශූ­ර­තාව සහ 19න් පහළ සිවු­වැනි ස්ථානය දිනා­ගෙන තිබිණි. ගේට්වේ ජාත්‍ය­න්තර පාසලේ චනුමි නිම්තාරා තෙබු­වෙන අවු­රුදු 15න් පහළ ශූර­තාව සහ 17න් පහළ සිවු­වැනි ස්ථානය දිනා ගනි­මින් නැගීඑන ක්‍රීඩි­කාව ලෙස සම්මාන දිනා ගත්තාය.

ගේට්වේ ජාත්‍ය­න්තර පාසලේ මනුත් දස­නා­යක අවු­රුදු 17න් පහළ සහ 15න් පහළ ශූරතා ද්විත්ව­යම හිමි­ක­ර­ගත් අතර, ශාන්ත පාවුළු බාලි­කාවේ ඉෆ්රා බූසෝ 17න් පහළ බාලිකා ශූර­තාව හිමි­කර ගත්තාය.

අවු­රුදු 13න් පහළ බාලක ශූර­තාව ගල්කිස්ස සාන්ත තෝමස් විදු­හලේ අකානේ කෝනා­රාට හිමිවූ අතර, බාලිකා ශූර­තාව සිරි­මාවෝ බණ්ඩා­ර­නා­යක විදු­හලේ දිනෙත්මා මිහේලි සතු වූවාය.