ජාතික මහා ක්‍රීඩා උලෙළේ නිමා­වට පත්වූ ජූඩෝ තර­ග­වල වැඩි දක්ෂතා දැක්වූ මධ්‍යම පළාත රන් පද­ක්කම් 11ක්, රිදී පද­ක්කම් 8ක් හා ලෝකඩ පද­ක්කම් 3ක් සමඟ මුළු පද­ක්කම් 22ක් දිනා බර ඉසි­ලීමේ ශූර­තාව දිනා ගත්තේය.
රාජ­කීය විදු­හල් මාස් ගෘහස්ථ ක්‍රීඩාං­ගණ‍යේ පැවති ජූඩෝ තර­ග­ව­ලදී මධ්‍යම පළාත කාන්තා අංශ­යෙන් රන් පද­ක්කම් 4ක්, රිදී 4ක් හා ලෝකඩ 3ක් දිනා­ගත් අතර, පිරිමි අංශ­යේදී රන් පද­ක්කම් 7ක් හා රිදී පද­ක්කම් 4ක් දිනා පෙර­මු­ණට පැමි­ණි­යේය.

විද්‍යා­ත්මක ශිල්පීය ක්‍රම භාවිත කර­මින් කෙටි කාල­ය­කදී වැඩිම ලකුණු ලබා­ගත් මධ්‍යම පළාතේ චාමර ධර්ම­ව­ර්ධන හොඳම ක්‍රීඩ­කයා ලෙසත්, එම පළා­තේම කල්පනී ජය­වීර හොඳම ක්‍රීඩි­කාව ලෙසත් සම්මා­න­යට පාත්‍ර වූහ.
චාමර ධර්ම­ව­ර්ධන ජූඩෝ හොඳම ක්‍රීඩ­කයා සම්මා­නය පිට පිට 10 වැනි වර­ටත් දිනා ගැනීම කැපී පෙනිණි.