ශ්‍රී ලංකා කාන්තා ක්‍රිකට් කණ්ඩා­යම තරග සංචා­ර­යක් සඳහා වසර 9කට පසු බට­හිර ඉන්දීය කොදෙව් දූපත් බලා පිටත්ව යෑමට නිය­මි­තය.

ලබන මස අගදී ආරම්භ වන මේ සංචා­ර­යේදී කොදෙව් – ශ්‍රී ලංකා ක්‍රීඩි­කාවෝ එක්දින තරග 3ක් සහ විස්සයි20 තරග 3ක් ක්‍රීඩා කිරී­මට නිය­මි­තය.

ලබන මස 20 වැනිදා පළමු එක්දින තර­ග­යෙන් සංචා­රය ආරම්භ වන අතර, දෙවැනි සහ තෙවැනි එක්දින තරග ලබන මස 22 සහ 25 දින­වල පැවැත්වේ. පෙබ­ර­වාරි 28 වැනිදා විස්සයි20 තර­ගා­ව­ලිය ආරම්භ වන අතර, මාර්තු 1 සහ 3 දෙවැනි සහ තෙවැනි විස්සයි20 තරග පැවැත්වේ. මේ සියලු තරග සාන්ත ජෝර්ජ්හි ග්‍රෙනාඩා ජාතික ක්‍රිකට් ක්‍රීඩාං­ග­ණ­යේදී පැවැ­ත්වී­මට නිය­මි­තය.

ශ්‍රී ලංකා කාන්තා ක්‍රිකට් පිල අව­සන් වරට කොදෙ­ව්හිදී තර­ගා­ව­ලි­ය­කට එක් වූයේ 2017 වස­රේ­දීය. එහිදී තරග 3කින් සම­න්විත එක්දින සහ විස්සයි20 තර­ගා­වලි ද්විත්ව­යක් පැවති අතර, ඒ සියලු තරග ජය ගැනී­මට කොදෙව් ක්‍රීඩි­කාවෝ සමත් වූහ.