ලෝක ශූර ඉන්දීය කාන්තා ක්‍රිකට් පිල එළැ­ඹෙන නත්තල් සමයේ ශ්‍රී ලංකා කාන්තා ක්‍රිකට් පිල සමඟ විස්සයි20 ක්‍රිකට් තර­ගා­ව­ලි­යක් සැල­සුම් කරයි. එහි පළමු තර­ගය මේ මස 21 වැනිදා විශා­කා­ප­ට්නම් රාජ­සේ­කර රෙඩ්ඩි ක්‍රිකට් ක්‍රීඩාං­ග­ණ­යේදී ආරම්භ වේ.

ලබන වස‍රේ එංග­ල­න්තයේ පැවැ­ත්වෙන විස්සයි20 ලෝක කුස­ලාන තර­ගා­ව­ලි­යට පෙර­හු­රු­වක් ලෙස මේ තර­ගා­ව­ලිය ඉන්දීය ක්‍රිකට් ආය­ත­නය සංවි­ධාන කර ඇත. අයි­සීසී කාන්තා එක්දින ලෝක කුස­ලාන තර­ගා­ව­ලි­යෙන් අන­තු­රුව හර්ම­න්ප්‍රීත් කෞර්ගේ නාය­ක­ත්ව­යෙන් යුත් කණ්ඩා­යම දීර්ඝ නිවා­ඩු­ව­කින් පසු යළි ක්‍රීඩා පිටි­යට පිවි­සෙන පළමු අව­ස්ථාව මෙය වේ.

මේ මස 21 සහ 23 යන දින­වල පළමු තරග දෙක විශා­කා­ප­ට්නම්හි පැවැ­ත්වෙන අතර, 26, 28 සහ 30 යන දින­ව­ලදී අව­සන් විස්සයි20 තරග තුන සඳහා තිරු­වා­න­පු­රම් ග්‍රීන්ෆීල්ඩ් ජාත්‍ය­න්තර ක්‍රීඩාං­ග­ණය සූදා­නම් කොට තිබේ.
ශ්‍රී ලංකා විස්සයි20 කණ්ඩා­යම ද එළැ­ඹෙන සති­යේදී පුහු­ණු­වීම් ආරම්භ කරන බව ශ්‍රී ලංකා ක්‍රිකට් ආරංචිමාර්ග පැව­සීය.