ශ්‍රී ලංකාව සහ ඉන්දි­යාවේ සම සත්කා­ර­ක­ත්වය යටතේ පළමු වරට සංවි­ධාන කළ දෘශ්‍යා­බා­ධිත කාන්තා විස්සයි20 ලෝක කුස­ලාන ක්‍රිකට් තර­ගා­ව­ලියේ මංගල කිරුළ දිනා ගැනී­මට ඉන්දීය ක්‍රීඩි­කාවෝ ඊයේ සමත් වූහ.

කොළඹ පී. සරා ඕවල් ක්‍රීඩාං­ග­ණයේ පැවති අව­සන් තර­ග­යේදී නේපා­ලය කඩුලු 7කින් පරා­ජය කිරී­මට ඉන්දීය පිල සමත් විය.

තර­ගයේ පළ­මුව පන්දු­වට පහර දුන් නේපා­ලය කඩුලු 5ක් දැවී ලකුණු 114ක් රැස් කළ අතර, ඕවර 12කදී එම ඉල­ක්කය සපු­රා­ගත් ඉන්දීය පිලට කඩුලු 3ක් අහිමි විය.

ඉන්දීය පිල වෙනු­වෙන් පූලා සරෙන් පන්දු 27කින් ලකුණු 44ක් රැස් කළ අතර, සරිතා ගිම්රේ ලකුණු 38ක් රැස් කර­මින් නේපාල ඉනිමේ වැඩිම ලකු­ණු­ලා­භි­නිය වූවාය. පූලා අව­සන් තර­ගයේ දක්ෂ­තම ක්‍රීඩි­කාව ලෙස සම්මාන දිනා ගත්තාය.