ලෝක කුස­ලාන කාන්තා ක්‍රිකට් තර­ගා­ව­ලියේ ශ්‍රී ලංකාව මේ දක්වා මුහුණ දී ඇති තරග හත­රෙන් තරග දෙක­ක­ටම වර්ෂා­වෙන් බාධා ගෙන දුන් හෙයින් ඉදි­රියේ ඇති තරග තුනම ජය­ගෙන අව­සන් පූර්ව වට­යට පිවි­සීම ඒකම අපේ­ක්ෂාව බව ශ්‍රී ලංකා ක්‍රිකට් නායිකා චමරි අත­පත්තු පැව­සීය. තරග 4කට සහ­භාගි වී සිටින ශ්‍රී ලංකා කාන්තාවෝ ඉන්දි­යාව හා එංග­ල­න්තය සමඟ තරග පරා­ජය වී ප්‍රසාද ලකුණු සට­හනේ ලකුණු 2කට සීමාවී 7 වැනි ස්ථානයේ පසු­වන හෙයින් ඉදි­රි­යට පැමි­ණීම උදෙසා බල­වත් අර­ග­ල­යක නිරත වී සිටිති.

කාල­ගු­ණය ගැන සිත­මින් සිටි­න­වාට වඩා, ශ්‍රී ලංකා ක්‍රිකට් නායිකා චමරි අත­පත්තු ශුභ­වා­දීව සිටින අතර දකුණු අප්‍රි­කාව, බංග්ලා­දේ­ශය සහ පාකි­ස්තා­න­යට එරෙහි ඔවුන්ගේ අව­සන් තරග තුන ජය­ග්‍ර­හ­ණය කොට තර­ගා­ව­ලියේ අව­සන් පූර්ව වට­යට සුදු­සු­කම් ලැබී­මට තව­මත් අව­ස්ථා­වක් ඇති බව විශ්වා­සය පළ කර­න්නීය.

පෙරේදා කොළඹ ආර්. ප්‍රේම­දාස ක්‍රීඩාං­ග­ණ‍යට ඇද­හැ­ලුණු අධික වර්ෂාව හේතු­වෙන් ශ්‍රී ලංකා ඉනිමේ විවේ­ක­යෙන් පසු තර­ගය අත්හැර දැමී­මෙන් ශ්‍රී ලංකා­වට සහ නව­සී­ල­න්ත­යට ලකුණු එක බැගින් බෙදා ගැනී­මට සිදු විය. “අනි­වා­ර්ය­යෙන්ම ඊළඟ තර­ගය අපට ඉතා වැද­ගත්, මොකද අපි ඉදිරි තරග තුනම ජය­ග්‍ර­හ­ණය කළ යුතුයි. අපි ඊළඟ තර­ගය කෙරෙහි පූර්ණ අව­ධා­නය යොමු කර­නවා. අපි සම­හර ස්ථාන දියුණු කර­ගත යුතු බව මම දන්නවා. ඊළඟ තර­ගය වැස්ස­කින් තොරව ක්‍රීඩා කළ හැකි යැයි මා බලා­පො­රොත්තු වෙනවා” අත­පත්තු පැව­සීය.