කාන්තා ලෝක කුස­ලාන එක්දින ක්‍රිකට් තර­ගා­ව­ලියේ ශ්‍රී ලංකා කණ්ඩා­යම අද මුහුණ දෙන තර­ගය ජය­ගත යුතු අනි­වාර්ය තර­ග­යක් බව ශ්‍රී ලංකා පුහු­ණු­කරු රුමේෂ් රත්නා­යක මහතා අව­ධා­ර­ණය කරයි. නව­සී­ල­න්ත­යට එරෙ­හිව ශ්‍රී ලංකා පිල මෙර­ටදී ජය­ග්‍ර­හණ රැසක් අත්ක­ර­ගෙන ඇති බැවින් හොඳ සූදා­න­ම­කින් ශ්‍රී ලංකා ක්‍රීඩි­කාවෝ පිටි­යට පිවි­සෙන බව ශ්‍රී ලංකා කාන්තා ක්‍රිකට් පුහු­ණු­කරු පැව­සීය.

කොළඹ ආර්. ප්‍රේම­දාස ක්‍රීඩාං­ග­ණ­යේදී ඊයේ පැවති මාධ්‍ය හමු­ව­කදී රුමේෂ් රත්නා­යක මහතා මේ බව සඳ­හන් කළේය.

“පිති­ක­ර­ණයේ වග­කීම ගත යුතු ඉදිරි හා මැද පෙළ පිති­කා­රි­නි­යන් 6ක් කණ්ඩා­යමේ සිටි­නවා. ඔවු­න්ගෙන් එක් අයකු අස­මත් වුවත්, තවත් අයකු වග­කීම දරා ඉදි­රි­යට පැමි­ණිය යුතුයි. මේ ලෝක කුස­ලාන තර­ගා­ව­ලියේ තව­මත් එවැනි තත්ත්ව­යක් ශ්‍රී ලංකා කාන්තා පිලේ දක්නට ලැබුණේ නෑ. නව­සී­ල­න්ත­යට එරෙ­හිව අපි හොඳින් ක්‍රීඩා කොට තිබෙ­නවා. ඒ අත්දැ­කීම් අද තර­ග­යේදී ප්‍රයෝ­ජ­න­යට ගත යුතුයි” රත්නා­යක මහතා පැව­සීය.

“අපිට තියෙන අඩු­පා­ඩු­කම් ගැන කතා කරලා තියෙ­නවා. ඒවා අපි දැන් හදා­ගෙන තර­ග­යට සහ­භාගි වෙන්නේ. උඩ පන්දු­වක් ගිලි­හු­ණාම විශාල අවා­සි­යක් වෙනවා. ඒක හදා­ගත යුතු දුර්ව­ල­තා­වක්. කලින් අපි සැල­සුම් හද­නවා. නමුත් ඇතැම් වෙලා­වට එකක් ප්ලෑන් කරන්නේ. වෙන දෙයක් වෙන්නේ. පුහු­ණු­ක­රු‍වෙක් ලෙස එවැනි අවස්ථා ප්‍රහේ­ලි­කා­වක්. ඒ නිසා අපි කොතැ­නද වර­දින්නේ කියලා බලලා ඒ පිළි­බඳ විශේෂ අව­ධා­න­යක් යොමු කර­නවා. වැරදි හදා­ගෙන ඉදිරි ජය­ග්‍ර­හණ බලා­පො­රොත්තු වෙනවා” කාන්තා ක්‍රිකට් පුහු­ණු­කරු පැව­සීය.