ජාත්‍ය­න්තර ක්‍රිකට් කවු­න්සි­ලය ඊයේ නිකුත් කළ නව­තම විස්සයි20 ක්‍රීඩක ශ්‍රේණි­ගත කිරීම් අනුව ශ්‍රී ලාංකික ක්‍රීඩ­ක­යන් රැසක් ඉදි­රි­යට පැමි­ණී­මට සමත්ව තිබේ.

මේ අත­රින් පැතුම් නිශ්ශංක පිති­ක­රු­වන් අත­රේත්, නුවන් තුෂාර පන්දු යව­න්නන් අත­රේත් මුල් ස්ථාන 6ට පැමි­ණී­මට සමත්ව තිබීම කැපී­පෙනේ.

ආසි­යානු කුස­ලාන තර­ගා­ව­ලි­යේදී පිට පිට අර්ධ ශතක දෙකක් රැස් කළ පැතුම් නිශ්ශංක එක් ස්ථාන­යක් ඉදි­රි­යට එමින් 6 වැනි තැන ගෙන ඇත්තේ ශ්‍රේණි­ගත ලකුණු 751ක් සම­ඟිනි. එය මේ ශ්‍රේණි­ගත කිරී­ම්වල ඔහු ලබා­ගත් ඉහ­ළම ලකුණු සංඛ්‍යාව ද වෙයි. කුසල් ජනිත් පෙරේරා 9 තැනත්, කුසල් මෙන්ඩිස් 17 වැනි තැනත් රැඳී සිටින අතර, නායක චරිත් අස­ලංක (53) ස්ථාන 5ක් පසු­බැස තිබේ.

නුවන් තුෂාර ස්ථාන 6ක් ඉදි­රි­යට එමින් 6 වැති තැන ගෙන සිටින අතර, ඔහු ශ්‍රේණි­ගත ලකුණු 677ක් හිමි­කර ගෙන තිබේ. වනිඳු හස­රංග (664) 7 වැනි තැනම සිටින අතර, මුල් පන්දු යව­න්නන් 100 දෙනා අතර නොසිටි දුෂ්මන්ත චමීර කැපී­පෙ­නෙන ලෙස ඉදි­රි­යට පැමිණ ඇත්තේ ස්ථාන 33කිනි. ඔහු මේ වන විට ලකුණු 441ක් සමඟ 78 වැනි තැන අත්කර ගෙන තිබේ.