ඔස්ට්‍රේ­ලි­යානු වේග පන්දු යවන ක්‍රීඩක මිචෙල් ස්ටාක් විස්සයි20 ක්‍රිකට් තරග රටා­වට සමු­දී­මට තීර­ණය කර තිබේ.

ඉන්දීය ටෙස්ට් සංචා­රය සහ අළු බඳුන තර­ගා­ව­ලිය ඇතු­ළුව ඔස්ට්‍රේ­ලි­යානු කණ්ඩා­යම ලබන වසරේ සිට අඛ­ණ්ඩව ටෙස්ට් තර­ගා­වලි රැස­කට ක්‍රීඩා කරන අතර, එම කාර්ය බහුල ටෙස්ට් කාල­ස­ට­හ­නට මෙන්ම 2027 වසරේ පැවැ­ත්වෙන එක්දින ලෝක කුස­ලාන ක්‍රිකට් තර­ගා­ව­ලිය ඉලක්ක කර­මින් ස්ටාක් විස්සයි20 තරග බිමෙන් ඉවත් වී තිබේ.

තමා නිර­තු­රු­වම ටෙස්ට් ක්‍රිකට් ක්‍රීඩා­වට ප්‍රමු­ඛ­තාව ලබා දෙන බවත්, ඒ වෙනු­වෙන් තම උප­රි­ම­යෙන් යෝග්‍ය­තාව රැක ගැනී­මට හොඳම තීර­ණය මෙය බවත් ස්ටාක් පවසා තිබේ.

ජාත්‍ය­න්තර විස්සයි20 තරග 65කට ක්‍රීඩා කර ඇති ස්ටාක් එහිදී කඩුලු 79ක් දවා ගැනී­මට සමත්ව තිබේ. 2021 විස්සයි20 ලෝක ශූර ඔස්ට්‍රේ­ලි­යානු පිලේ සාමා­ජි­ක­යකු ද වූ ස්ටාක් ලබන වසරේ පැවැ­ත්වෙන විස්සයි20 ලෝක කුස­ලාන ක්‍රිකට් තර­ගා­ව­ලි­යට ඔස්ට්‍රේ­ලි­යානු පන්දු යැවීමේ කණ්ඩා­යම සකස් කර ගැනී­මට අවශ්‍ය කාලය ලබා­දී­මත් මේ සමු­ගැ­නී­මට හේතු­වක් බව පව­සයි.