වසර 1946-47 තරග වාර­යේදී අළු බඳුන ටෙස්ට් ක්‍රිකට් තර­ගා­ව­ලි­යේදී පැලඳ සිටි ඔස්ට්‍රේ­ලි­යානු ක්‍රිකට් පුරා­වෘ­ත්ත­යක් වන ශ්‍රීමත් ඩොනල්ඩ් බ්‍රැඩ්මන්ගේ කොළ පැහැති තොප්පිය ඔස්ට්‍රේ­ලි­යානු ඩොලර් 438,500කට (ශ්‍රී ලංකා රුපි­යල් අට කෝටි හැට­පන් ලක්ෂ­ය­කට පමණ) අලෙවි වී තිබේ.

මේ තොප්පිය ඔස්ට්‍රේ­ලි­යාවේ කැන්බ­රාහි පිහිටා ඇති ජාතික කෞතු­කා­ගා­රය විසින් මිලදී ගෙන ඇති අතර, ඔස්ට්‍රේ­ලි­යානු ෆෙඩ­රල් රජය එම මිලෙන් අඩක් ලබා දී තිබේ.

ඔස්ට්‍රේ­ලි­යානු ඉති­හා­සයේ වැද­ගත් අවස්ථා සිහි­පත් කරන ජාතික කෞතු­කා­ගා­රයේ ගැල­රියේ මේම තොප්පිය ප්‍රද­ර්ශ­න­යට තබා ඇත. දෙවැනි ලෝක යුද්ධ­යෙන් පසු එංග­ල­න්ත­යට එරෙ­හිව අළු බඳුන තර­ගා­ව­ලි­යේදී බ්‍රැඩ්මන් මේ තොප්පිය පැලඳ ඔස්ට්‍රේ­ලි­යා­වට නාය­ක­ත්වය දුන් අතර, තරග පහ­කින් යුත් තර­ගා­ව­ලිය 3-0 කින් ඔස්ට්‍රේ­ලි­යාව ජය­ග්‍ර­හ­ණය කළේය.