සිම්බාබ්වේ සමඟ පළමු එක්දින ක්‍රිකට් තර­ග­යේදී ශ්‍රී ලංකාව වෙනු­වෙන් එක්දින කඩුලු ත්‍රිත්ව­යක් (හැට්‍රික්) ලබා­ගත් 11 වැනි අව­ස්ථාව ඩිල්ෂාන් මධු­සංඛ වාර්තා කළේය. ඒ සමඟ එක්දින ක්‍රිකට් පිටියේ වැඩිම හැට්‍රික් ලබා­ගෙන ඇති රට ලෙස ශ්‍රී ලංකාව තබා ඇති වාර්තාව තව­දු­ර­ටත් අලුත් විය.

ශ්‍රී ලංකාව එක්දින පිටියේ කඩුලු ත්‍රිත්ව (හැට්‍රික්) ලබා­ගත් 11 වැනි අව­ස්ථාව සට­හන් වෙද්දී, පාකි­ස්තා­නය එක්දින කඩුලු ත්‍රිත්ව අටක්, ඔස්ට්‍රේ­ලි­යාව එක්දින කඩුලු ත්‍රිත්ව හයක්, බංග්ලා­දේ­ශය හා ඉන්දි­යාව එක්දින කඩුලු ත්‍රිත්ව පහ බැගින්, දකුණු අප්‍රි­කාව, නව­සී­ල­න්තය හා එංග­ල­න්තය එක්දින කඩුලු ත්‍රිත්ව හතර බැගින්, සිම්බාබ්වේ එක්දින කඩුලු ත්‍රිත්ව තුනක් හා බට­හිර ඉන්දීය කොදෙව් පිල එක්දින කඩුලු ත්‍රිත්ව දෙකක් වාර්තා කර ඇත.

ශ්‍රී ලංකාව වෙනු­වෙන් ලසිත් මාලිංග දකුණු අප්‍රි­කා­වට, කෙන්යා­වට හා ඔස්ට්‍රේ­ලි­යා­වට එරෙ­හිව අවස්ථා 3කදී කඩුලු ත්‍රිත්ව 3ක් වාර්තා කොට ඇති අතර, චමින්ද වාස් සිම්බාබ්වේ පිලට හා බංග්ලා­දේ­ශ­යට එරෙ­හිව අවස්ථා දෙක­කදී කඩුලු ත්‍රිත්ව 2ක් වාර්තා කළේය. ෆර්විස් මහ­රූෆ් ඉන්දි­යා­වට එරෙ­හිව, තිසර පෙරේරා පාකි­ස්තා­න­යට එරෙ­හිව, වනිඳු හස­රංග සිම්බා­බ්වේට එරෙ­හිව, ෂෙහාන් මධු­ශංක බංග්ලා­දේ­ශ­යට එරෙ­හිව, මහේෂ් තීක්ෂණ නව­සී­ල­න්ත­යට එරෙ­හිව හා ඩිල්ෂාන් මධු­සංඛ සිම්බාබ්වේ පිලට එරෙ­හිව කඩුලු ත්‍රිත්ව වාර්තා කළහ.