ලබන සැප්තැ­ම්බර් මාසයේ පැවැ­ත්වෙන ආසි­යානු කුස­ලාන ක්‍රිකට් තර­ගා­ව­ලි­යට පෙර කණ්ඩා­යමේ ඇති සියලු අඩු­පාඩු සකසා ගැනීම සිම්බාබ්වේ තර­ගා­ව­ලියේ අපේ­ක්ෂාව බව ශ්‍රී ලංකා එක්දින සහ විස්සයි20 නායක චරිත් අස­ලංක පැව­සීය.

තරග 2කින් සම­න්විත එක්දින තර­ගා­ව­ලි­යට සහ තරග 3කින් සම­න්විත විස්සයි20 ක්‍රිකට් තර­ගා­ව­ලිය උදෙසා සිම්බාබ්වේ බලා පිටත්ව යෑමට පෙර ශ්‍රී ලංකා ක්‍රිකට් ආය­ත­නයේ පැවති මාධ්‍ය හමු­ව­කදී චරිත් අස­ලංක එලෙස පැව­සීය.

සර්ව ආග­මික වතා­ව­ත්ව­ලින් අන­තු­රුව ශ්‍රී ලංකා කණ්ඩා­යම පෙ‍රේදා මධ්‍යම රාත්‍රි­යට ආසන්න වෙද්දී ක්‍රිකට් මූල­ස්ථා­න­යෙන් පිටත්ව ගියේය.

“ආසි­යානු කුස­ලාන ක්‍රිකට් තර­ගා­ව­ලි­යට කලින් පැවැ­ත්වෙන සිම්බාබ්වේ තර­ගා­ව­ලිය අපිට හොඳ සූදා­න­මක්. බංග්ලා­දේ­ශය සමඟ විස්සයි20 තර­ගා­ව­ලි­යක් අපේ රටේ ක්‍රීඩා කළා. ඒකත් අපි කළේ ආසි­යානු කුස­ලාන තර­ගා­ව­ලි­යට හා ලෝක කුස­ලාන තර­ගා­ව­ලි­යට පෙර­හු­රු­වක් විදි­හ­ටයි. ඒ නිසා සිම්බා­බ්වේට එරෙහි තර­ගා­ව­ලි­යේදී සියලු අඩු­පාඩු හදා­ගෙන ආසි­යානු කුස­ලා­න­යට යද්දි හොඳම කණ්ඩා­ය­මක් විදි­යට යන්න පුළු­වන්” චරිත් අස­ලංක පැව­සීය.