ජාතික ගමන් මග වැඩසටහනින් කෝටි 50ක ක්රිකට් උපකරණ
ශ්රී ලංකා ක්රිකට් ආයතනය රට පුරා සිදුකරනු ලබන ‘ජාතික ගමන් මඟ’ වැඩසටහන යටතේ කනිෂ්ඨ පාසල් 690ක් සඳහා ක්රිකට් උපකරණ කට්ටල බෙදා දීමේ දීපව්යාප්ත වැඩසටහන ක්රීඩා ඇමැති සුනිල් කුමාර ගමගේ සහ ශ්රී ලංකා ක්රිකට් සභාපති ශම්මි සිල්වා යන මහත්වරුන්ගේ ප්රධානත්වයෙන් ඊයේ ක්රීඩා අමාත්යාංශ ශ්රවණාගාරයේදී සිදු කෙරිණි.
ශ්රී ලංකා ක්රිකට් ආයතනය රුපියල් කෝටි 50ක වියදමින් ක්රිකට් උපකරණ, ක්රිකට් ක්රීඩක සපත්තු කට්ටල, ක්රිකට් ක්රීඩා කරනු ලබන සෑම පාසලකටම පන්දුව විසිකිරීම සඳහා යොදා ගනු ලබන උපකරණ දිස්ත්රික් සහ පළාත් පුහුණුකරුවන් වෙනුවෙන් පුහුණු කිරීමේ උපකරණ කට්ටල සහ ක්රිකට් පන්දු බෙදාදීම සිදු විය.
කොළඹ ක්රියාත්මක වූ මේ ජාතික වැඩසටහනට සමගාමීව රට පුරා දිස්ත්රික්ක 25කදී ඊයේ එකම වෙලාවට මේ උපකරණ බෙදාදීමට කටයුතු යොදා තිබීම විශේෂත්වයකි.
