එක්සත් අරාබි එමීර් රාජ්‍ය­යේදී නිමා වූ ආසි­යානු කුස­ලා­නය විස්සයි20 ක්‍රිකට් තර­ගා­ව­ලියේ දැක්වූ දස්කම් හේතු­වෙන් ලොව හොඳම පිති­ක­රු­වන් 5 දෙනා අත­රට එක් වීමට ශ්‍රී ලංකා ආර­ම්භක පිති­කරු පැතුම් නිශ්ශංක සමත්ව තිබේ.

මේ තර­ගා­ව­ලියේ වාර්තා වූ එකම ශත­ක­යට (ඉන්දි­යා­වට එරෙ­හිව 107) හිමි­කම් කී පැතුම් නිශ්ශංක තරග 6කදී ලකුණු 261ක් රැස් කළේය. මේ දස්කම් හේතු­වෙන් ජාත්‍ය­න්තර ක්‍රිකට් කවු­න්සි­ලය නිකුත් කළ නව­තම විස්සයි20 පිති­ක­රු­වන් ශ්‍රේණි­ගත කිරී­ම්වල ස්ථාන 2ක් ඉදි­රි­යට යෑමට පැතුම් සමත් වූ අතර, ඔහු මේ වන විට 5 වැනි ස්ථාන­යට පත්ව ඇත්තේ ශ්‍රේණි­ගත ලකුණු 799ක් ද සම­ඟිනි. එය ඔහු ශ්‍රේණි­ගත කිරී­ම්වල දී ලබා­ගත් ඉහ­ළම ලකුණු සංඛ්‍යාව ද වෙයි.

ජාත්‍ය­න්තර විස්සයි20 තරග 74ක් ක්‍රීඩා කර ඇති 27 හැවි­රිදි පැතුම් ශත­ක­යක් සහ අර්ධ ශතක 17ක් සමඟ ලකුණු 2211ක් රැස් කර ගෙන සිටින්නේ ඉනිම සාමාන්‍ය 31.58ක් ද, ප්‍රහා­රා­ත්මක වේගය 126.55ක් ලෙස ද සට­හන් කර­මිනි. කුසල් ජනිත් පෙරේරා ද මේ ශ්‍රේණි­ගත කිරීම් අනුව ස්ථාන 2ක් ඉදි­රි­යට යමින් ශ්‍රේණි­ගත ලකුණු 692ක් සමඟ 9 වැනි තැනට පත්ව තිබේ.